الشروط والأحكام

1. معلومات الشركة

• اسم الشركة: اشحن لي
• عنوان المكتب: مكتب رقم 26، الدور 4، برج التجار، المرقاب، قطعة 2، مدينة الكويت
• الإيميل للتواصل: [email protected]
• دعم الواتساب: +965 60039515

2. خدمات اشتراك "باور بانك" (Power bank)

2.1 الباقات والأسعار

• اشحن لي توفر اشتراكات (3 أشهر، أو 12 شهر) تتيح لك تاخذ، وتبدّل الباور بنك من محطاتنا المنتشرة بالكويت.
• تقدر تشترك عن طريق الواتساب أو عبر تطبيق اشحن لي.

2.2 شروط استخدام المحطات

• الاستلام والتبديل: المشترك يقدر ياخذ باور بانك مشحون من أي محطة شغالّة لـ اشحن لي، ويقدر يبدّل الباور بانك الفاضي بـ واحد مشحون فل.
• الاستخدام العادل والاهتمام: لازم تهتم بالباور بانك وتستخدمه بحرص.
• الفقدان أو الضرر: إذا ما رجّعت الباور بانك وضاع عندك أو انكسر وخرب حيل، راح تضطر تشتري باوربانك جديد و تدفع قيمته عشان تتمتع بالخدمة بالوقت المتبقي من اشتراكك.

3. بيع الأجهزة والمعدات

3.1 شراء الأجهزة (شاحن متنقل PB-B06)

اشحن لي تبيع جهاز الباور بانك (موديل: PB-B06) بسعر 12.000 د.ك.

مواصفات موديل PB-B06: سعة البطارية 5000mAh 3.7V Li-polymer، وفيه وايرات مدمجة (Lightning, Type-C, Micro-USB)، الإدخال (Input) 5V ⎓ 2A والإخراج (Output) 5V ⎓ 2.1A.

3.2 العروض الترويجية

• شراء الجهاز ممكن يجي معاه عرض خاص، مثل: اشتراك مجاني لمدة 3 أشهر بمحطات الشحن.
• العروض الترويجية ما تتحّول لشخص ثاني، وما تقدر تبدّلها بفلوس كاش.

4. الدفع والحسابات

• كل الأسعار بالموقع محسوبة بـ الدينار الكويتي (K.D/ KWD).
• الدفع يكون عن طريق بوابات الدفع الإلكترونية المعتمدة (سواء بالتطبيق، أو الرابط بالواتساب، أو روابط الدفع المعتمدة).
• رسوم الاشتراكات تنخصم إما بشكل دوري أو مقدماً على حسب الموعد والباقة اللي اخترتها.

5. تطبيق التلفون وسلوك المستخدم

• المستخدمين اللي ينزلون تطبيق اشحن لي (من App Store / Google Play) مسؤولين عن حماية وتأمين بيانات دخول حساباتهم.
• تتعهد إنك ما تحاول تخرب، أو تفكك، أو تعطل محطات وأجهزة اشحن لي بأي شكل من الأشكال.

6. إخلاء المسؤولية

• أجهزة اشحن لي تصممت بمواصفات حماية وأمان عالية. لكن، اشحن لي مو مسؤولة عن أي أضرار جانبية تصير لتلفونك أو جهازك الشخصي بسبب سوء الاستخدام، أو بسبب شحنه بفولتية غير المذكورة بالمواصفات، أو إذا تم العبث بالبطارية.
• توفر الخدمة بالمحطات ممكن يفرق من مكان لثاني على حسب الكهرباء، اتصال شبكة المحطة، أو توفر الأجهزة فيها.